موقع شباب السريان
أهلاً وسهلاً بكل زوار موقع شباب السريان

في نعي ضحايا كنيسة القديسين قصيدة أحمد فؤاد نجم

استعرض الموضوع السابق استعرض الموضوع التالي اذهب الى الأسفل

default في نعي ضحايا كنيسة القديسين قصيدة أحمد فؤاد نجم

مُساهمة من طرف ardekhlo.S.Roham في الإثنين 10 يناير 2011, 10:35 am

قصيدة أحمد فؤاد نجم
في نعي ضحايا كنيسة القديسين


ينصر دينك يا بطل
قتلت ناس عزل كتير
ستات، شيوخ وكمان عيال
ازحت عنا خطر كبير


دي ناس بتقول الله محبه
والمحبه دي شئ خطير
إقتل بطرس وإقتل مينا
اللي إخواتهم ماتوا في سينا
واللي ولادهم رقصوا فـي فرحك
واللي فـ ميتم بيعزّينا



إقتل ماري وطنط تريزا
دول ناس مافيهومشي ولا ميزه
دايمًا كده يبتسموا في وشك
ويقولوا اهلاً خطوه عزيزه


وإقتل برضه عمك حنا
في اي خناقه بيحوش عنّا
غاوي يصّلح بين الناس
ولا يمكن يورد على جنّه

وإقتل سامي ناجي نجيب
اصل الإسم صراحه مريب
يمكن يطلع واحد منهم
او داقق على إيده صليب

ولا اقولّك...إضرب شبرا
والكيت كات وميدان الاوبرا
فجّر واحده في كل مكان
خلّي جيرانهم يصبحوا عبرا

لينا رب إسمه الكريم
ها يجي يوم تعرض عليه
تقف امامه و يسأل الشخص ده عملك إيه؟
بأي ذنب تقتله
وفين ومين وإزاي وليه؟
إبقى قول لي يا بطل
ها ترد يومها..
وتقول إيه؟

منقول

ardekhlo.S.Roham
مشرف عام
مشرف عام

نقاط تميز : 3905
تاريخ التسجيل : 03/08/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى